سولو سلطنت
| سولو سلطنت | |
| 1450ء توں 1917ء تک | |
| |
| ہرے رنگ چ عروج ویلے سلطنت سولو دے علاقے | |
| راجگھر: | جولو |
| بولیاں: | عربی (سرکاری) ، تاؤسگ ، ملائی ، بانگوئینگوئی ، باجاؤ بولیاں |
| مذہب: | اسلام |
| طوز حکومت: | بادشاہت |
| سولو دے سلطان | |
| 1450ء توں 1480ء : | شریف الہاشم سید ابوبکر |
| 1884ء توں 1899ء: | جمال الکریم اول |
| تریخ: | |
| قیام: | 1450ء |
| امریکہ دا مل: | 1917ء |
سولو سلطنت ، دکھنی فلپائن چ بحیرہ سولو دے کئی جزیرےآں تے قائم رہن آلی اک مسلمان سلطنت سی ۔ سلطنت دی بنیاد 1450ء چ رکھی گئی ، پر کجھ دوجے زرائع استوں پہلے دا دسدے نیں ۔ مسلمان تریح دان یعقین رکھدے نین کہ اس توں صدیاں پہلے راجہ باگوئینڈا علی دے ویلے توں قائم اے ۔
اس عروج تے اسدیاں سرحداں چڑھدے چ لہندے جزیرہ نما منڈاناؤ دے نال لگدے جزیرےآں ، لہندے تے دکھن چ اج دے ملائشیا دی ریاست صباح تے اتلے چ پالاوان نال لگدیاں سن ۔
اج کل سولو دے شاہی ٹبر دیاں شاخاں چ ایہہ مسئلہ پیدا ہو گئیا اے کہ سولو دا قنونی سلطان کون ہوئے گا ۔ اگرچہ جانشینی دا سلسلہ 1823ء توں 1936ء چ آخری اقتدار چ رہن آلے سلطان دی موت تک کریم شاخ چ اے ۔
تریخ
[سودھو]سلططنت دی تشکیل
13ویں صدی عیسوی چ مینانگکاباو لوکاں نے سماٹیرا جزیرے دے لہندے ساحل تے کالونیاں بنانا شروع کر دتیاں ۔ جہڑے کہ آچے سلطنت چ مسالےآں دے تاجر سن ۔ آچے چ اینہاں نوں انیؤک جیمی آکھئیا جاندا سی ۔ راجہ باگینڈو نے دکھنی فلپائن چ ہجرت کیتی تے 1390ء چ سولو سلطنت قائم کیتی ۔
اک دوجے زریعے موجب 1450ء دی دہائ ی چ اک عرب ہاشم سعید ابو بکر ۔ جہڑا کہ جوہر سلطنت چ جمئیا سی ، ملاکا توں سولو آئیا ۔ 1457ء چ اسنے سولو سلطنت دی بنیاد رکھی تے "پاکودا مولانا مہاساری شریف سلطان ہاشم ابو بکر " دے لقب نال حکومت سمبھالی ۔
1658ء چ (اک دوجے زریعے موجب 1703ء چ) سولو سلطنت نے برونائی دے سلطان دی برونائی چ اک بغاوت ختم کرن چ مدد دین دے بدلے چ برونائی توں اتلے بورینو دا علاقہ لئیا ۔ تے ایسے سال پالاوان دا علاقہ ماگوئینڈاناؤ سلطنت دے سلطان قدرت نوں دتا جس نے سولو دی شہزادی نال ویاہ کیتا تے سولو سلطنت نال اتحاد قائم کیتا سی ۔ بعد چ سلطان قدرت نے 1705ء ج پالاوان دا علاقہ سلطنت ہسپانیہ نوں دے دتا ۔ جسنوں سپین نے ہسپانوی شرق الہند ناں دی ہسپانوی کالونی چ شامل کر دتا سی ۔